Atualità

USP – 500 fotos di 40 ani, vel pec de video storics, duta la nfurmazions y na cronologia a puntin: dut chësc pieta la nueva plata web www.provinzia.bz.it/729212 che ie sën online. Chësta prejentazion sun internet ie unida fat n ucajion di doi anuei da chëst ann: i 40 ani dl Segondo Statut de Autonomia y i 20 ani de avëi finà l stritoz danter Austria y Talia per l Südtirol. Perchël l moto "72:92:12".

USP – Danter i proiec che la Segonda cumiscion provinziela per la scunanza dla cuntreda à dat prò te si senteda dl 5 de juni iel nce chël per slargë l purtoi dai schi Panorama te Sëlva, de miuré l purtoi dai schi de Resciesa a Urtijëi y per na luminazion publica sun Mont de Sëuc.

USP – Sce la vën a se l dé coche ulëssa la Jonta provinziela dëssa ai 5 de setëmber unì unerei i presidënc dla Talia y dl’Austria cun l gran orden al merit dl Südtirol. L presidënt Durnwalder l à (NCUEI) ai 5 de juni fat al savëi al presidënt dla Talia Giorgio Napolitano pra si vijita tl Quirinal a Roma. L ie unì rujenà de na lingia de argumënc.

USP – Pra i campionac europeics de juech al palé per mendranzes de rujeneda fajerà chëst ann per l prim iede nce pea na scuadra ladina. L’Europeada pieta sëuraprò al’ancunteda sportiva nce mumënc de prejentazion dla mendranzes. L Isititut Ladin Micurà de Rü che cumpanierà la scuadra nterladina, nvieia i culaburadëures di media n dumënia ai 10 de juni ala prejentazion dala 14.00 se si sënta a San Martin de Tor.

USP – 88 milion tl fond de rotazion, scemplificazions per la huties da mont n cont de refudam y eghes fosces, le regulamentazion dla graduatories per nsenianc, l program de inuvazion, butëighes daviertes de dumënia y l metrobus per l Überetsch ie stai i argumënc zentrei dla senteda dla Jonta provinziela ai 04 de juni. L presidënt Luis Durnwalder à cunedì la dezijions prinzipeles tla cunferënza stampa riesc do la senteda.

USP – Te si senteda da (NCUEI) ai 04 de juni à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce l program de inuvazion dl ann, l finanziamënt per jì inant cun la scola Zelig y la dumanda de pudëi fé ustaria te na stala.

USP – Per abiné na soluzion ala cuestion di orars dla butëighes à la Jonta provinziela (NCUEI) ai 04 de juni dat pro de lauré deberieda cun Trënt. Da pert de Roma ulëssen liberalisé defin i orars, tlo iesen de chëla de mantenì la dumënia sciche di de paussa.

USP – Per ruvé a na soluzion dl problem dl trafich danter Bulsan y l Überetsch, an fat n var inant. La Jonta provinziela à (NCUEI) ai 04 de juni nciarià l assessëur Florian Mussner de analisé la cundizions tecniches y l custimënt de n metrobus.

USP – Nsenianc che ne possa nia ruvé definitivamënter te graduatoria ajache l ti mancia la spezialisazion, possa sën speré. L Stat à dat pro che vënie metui a jì i cursc, tl Südtirol uniral fat n regulamënt spezifich. Sce chësc vën tosc a se l dé se teniran aldò, autramënter zaperà ite la Provinzia.

USP – La Jonta provinziela ti vën ancontra a uties da mont o luesc da paur che ie te na posizion plu desman. Te si senteda dl 04 de juni (NCUEI) à i assessëures provinziei dat pro na scemplificazion n cont dl duvier de mené demez l refudam y l’eghes fosces.