Atualità

USP – Tl proscimo ann de scolina puderà 686 mutans y mutons di luesc ladins jì ala scolina. A chësta maniera ne iel per la 17 scolines dla Val Badia y de Gherdëina chëst iede deguna lista de aspitanza per giapé lerch. Aldò de na lege provinziela ne vëniel nia plu tëut su i plu pitli cun manco de 30 mënsc, sciche l fova unì fat te vel scolina te na fasa sperimentela.

USP – L scrì ora de servijes publics a sozieteies provinzieles, la mudazions plu scëmples al plann di purtoies y di mplanc, l fond de rotazion, ancuntedes a Roma, scumenciadives per i 40 ani dl’Autonomia ie stai i argumënc zentrei dla senteda dla Jonta provinziela ai 02 de auril da pont de ududa ladin. L presidënt Luis Durnwalder à cunedì la dezijions tla cunferënza stampa riesc do la senteda.

USP – Te si senteda da (NCUEI) ai 02 de auril à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce i 60 milion per l fond de rotazion, l’ancuntedes cun Gnudi y l presidënt de Terna, scumenciadives per i 40 ani autonomia, capital per l tunel dl prëner, l statut per la cooperativa de garanzia, l’autorisazion per imigrei, la Terme de Maran y l’ancunteda naziunela di Alpini.

USP – Aldò dla ndicazions europees y dl Guviern talian, muessa duc i servijes publics unì scric ora tres cuncors, nce sce i se lascia fé da privac. La Jonta provinziela à (NCUEI) ai 02 de auril tratà chësta cuestion deberieda cun si Avocatura y lascia sën cialé do plu avisa ciun servijes che ie tuchei dala normes nueves.

USP – Per fé mudazions a purtoies da schi o ai mplanc porta mont fovel nchinamò debujën de truepa dumandes y documentazion. La Jonta provinziela de Bulsan uel scemplifiché la pruzedures y ie per na unificazion dla dumandes.

USP - La Biblioteca provinziala Friedrich Teßmann inviëia ai 12 d’aurì dl 2012 a n referat dl storich Laurence Cole. Le titul dl referat é: „Nation und Identität in Tirol vor 1914“ (Naziun y identité tl Tirol dan le 1914). Do le referat gnaràl fat na mësa torona cun le referënt y storics dl Südtirol. Chësta manifestaziun stlüj jö la linia de referac „Südtirol in Europa. Eine Spurensuche“.

USP – Cun l titul de campiunessa dl mond se à Carolina Kostner segurà na luegia tla storia dl sport. Auguresc per chësta gran arjonta vën nce dal presidënt dla Provinzia Luis Durnwalder y dal assessëur ladin Florian Mussner. „Co che la ie stata bona de arjonjer l prim plazamënt do che la fova terza tla prima pert de garejeda, mostra la gran capaziteies y maduranza de Carolina Kostner“ sotrissea i doi aministradëures.

USP – La puscibltà de sëurantò l finanziamënt dla trasmiscions tudësces y ladines dla RAI da pert dla Provinzia à trat su gran nteres. Pra l cunvëni dla RAI a Firenze à l presidënt dla provinzia Durnwalder (NCUEI) ai 30 de merz, prejentà la vijions dla Provinzia giatan gran laudes dai reprejentanc dla regions y dla RAI.

USP – Do la dezijion dla Jonta provinziela per l’ena de scola a 5 dis y deguna scola de sada, ova i cunsëies de scola da tò la dezijion sun la partizion dl’ëures. Te duta la scoles autes ladines à i cunsëies sën fat ora de sëurantò l’ena a 5 dis. L assessëur provinziel Florian Mussner laudà chësta dezijion tan mpurtanta per garantì la scoles tl daunì.

USP – Pro le Ciastel de Tor àn metü man da ciavè grunt por fà n depot por le Museum Ladin. Do passa diesc agn de ativité dl museum é le bojëgn, da podëi mëte ia esponacte n post adatè, gnü tres majer. L’Assessorat provinzial por i laûrs publics mët a desposiziun cun chësta investiziun n tòch de strotöra implü por l’ativité culturala ladina.