Atualità

USP – Aldò dl automobilclub tudësch ADAC ie la Mont de Sëuc, l’Alta Badia y l Plan de Corones i raions dai schi che ti vën l plu ancontra ala families. Per l assessëur al turism Hans Berger testemunieia chësc recunescimënt na bona vela per la families te dut Südtirol.

USP – La Cumpededa dla jënt va inant drët bën tl Südtirol. L Istitut de statistica ASTAT mostra su che n chert de duta la families ie bele unì cumpedà. Chësc ie stat mesun davia che truep zitadins se nuzea dla puscibltà online – de chisc nen iel bele 50.000. I zitadins dl Chemun de Badia ie cun 55,15% i segondi plu lezitënc dla provinzia n cont de se nuzé dla puscibltà tres internet.

Chëst ena che vën, dai 2 ai 04 de fauré, tën l aucat populer udienzes te de pu luesc. La Udienzes te Gherdëina sarà n juebia ai 03 de fauré.

USP – Mantenì la cualità dl nseniamënt de jì cun i schi y schivé che l vëniel adalerch maestri de raions dubiëusc sciche Montenegro o Albania: chëst se à tëut dant l assessëur Hans Berger. A Brüssel ti iel ai 15 de utober unì segurà che l regulamënt per maestri de schi tl Südtirol va a una cun la normes europees y che l ejam dëssa giapé na cualificazion europea.

I resultac dla detlarazion de grupa de rujeneda, che vën damandeda n ucajion dla Cumpededa dla jënt, cumporta l pruporz. Aldò dl pruporz vëniel spartì su la ressorses danter la trëi grupes de rujeneda tl Südtirol. I ciamps prinzipei ie la stieres publiches, i aiuc per l cuatier y l finanziamënt per l’istruzion y cultura.

USP – Per la pruposta de lege finanziera à la Jonta provinziela (NCUEI) ai 24 de utober adurvà belau dut l tëmp de senteda. Tlo iel udù dant nuviteies mpurtantes per l ann che vën. Sëurapò se à i assessëures dat ju cun l studi per maestres, la giaurida de butëighes de dumënia y i mulins dal vënt sun l Prëner.

USP – De plu nuviteies cumporta la pruposta de lege finanziera data pro dala Jonta provinziela (NCUEI) ai 24 de utober. I ponc prinzipei reverda la regulamentazion per la njonta IRPEF y IRAP, l finanziamënt per i chemuns y la revijions per camions.

USP – Sun l Prëner puderal unì fat 19 mulins dal vënt cun na produzion de 100 milion de Kilowatt/ëura. Cumpromis danter la doi sozieteies che ova fat dumanda. Deberieda cun duc i mplanc fotovoltaics che ie bele tl Südtirol saral nsci mesun curì feter l 10% de dut l strom che vën adurvà tla provinzia de Bulsan.

USP – Tla nuet da vënderdi a sada à l Cunsëi provinziel dat pro la lege sun l’imigrazion de fulestieres. N lunesc ai 24 de utober (NCUEI) ie la Jonta provinziela stata a una che l muessa riesc unì fat pruvedimënc cuncrec per nfurmé sun la ntegrazion.

USP – Tl spedel de Sanciana/Innichen y te chël de Persenon vëniel fat nvestimënc de adatamënc. Chësc à fat ora la Jonta provinziela de Bulsan (NCUEI) ai 24 de utober.