Atualità

USP – La fazion dla cumpededa dla jënt y dl pruporz che vën a se l dé dala detlarazion de grupa rujeneda ie i doi argumënc zentrei dl Di dla Cultura Ladina. L danmesdì per se dé jù cun chësta tematiches a unirà, n vënderdi ai 30 de setëmber, giaurì cun na ntroduzion dl presidënt dla Provinzia Durnwalder y dl assessëur ladin Mussner.

USP – La Jonta provinziela de Bulsan à (NCUEI) ai 19 de setëmber recunesciù la matura paritetica ladina azetan che la dëssa nce unì recunesciuda per l trilinguism “B”. La pruposta dl assessëur ladin Florian Mussner unirà data inant ala Cumiscion di Sies per adaté la norma de atuazion al Statut de Autonomia.

USP - Tl’Aministrazions publiches dl Südtirol ie la stieres per la populazion ladina resservedes aldò dl pruporz. La cumpëida atuela puderà ti proscimi mënsc unì mudeda: “Sun la basa dl pat de stabilità se à l Stat damandà na reduzion generela dla siteres, ma la reduzion dla stieres ladines possa d’autonn mo giapé na corezion tres i resultac dla cumpededa dla jënt che ie la basa dl pruporz” sorissea l assessëur Florian Mussner.

USP - N lunesc ai 12 de setëmber jirà inant i lëures sun l stradon dla Val Badia danter Longega y Picolin. Tlo fova i lëures unic fermei ntan la sajon da instà. Ntan duta l’ena, nchin n vënderdi ai 16 de setëmber iel udù dant de saré mesa la streda a na maniera che n puderà me passé te una direzion al iede.

USP - L ann de scola nuef tla valedes ladines iel unì nvià via (NCUEI) ai 09 de setëmber tl’università a Persenon, cun dl Di dla Scola Ladina tl sëni dla mujiga. Te chësc di de furmazion y ancunteda iel unì jit plu sot al valor dla mujiga tl’educazion. L assessëur provinziel ala scola ladina à fat n apel a de plu culaburazion danter istituzions, scoles y families.

USP – Sparanië ie l pensier zentrel che à caraterisà de plu dezijions dla Jonta provinziela te si prima senteda dl mëns (NCUEI) ai 06 de setëmber. Chësc dëssa unì arjont a cumpré strom, pra la veles y n generel a prugramé l proscimo bilanz. Sustëni iel dal’autra pert unì udù dant per l’economia cun danora l turism.

USP – Dan lascé pro nudadoies nueves, muessel unì fat na programazion de gestion y de finanziamënt. Chësc à fat ora la Jonta provinziela te si senteda (da NCUEI) ai 06 de setëmber.

USP – La descëria dal refudam a Pfatten/Vadena ie tan plëina che la muessa unì ngrandida. La Jonta provinziela à (NCUEI) ai 06 de setëmber dat pro doi pruvedimënc de prëscia per aministré la situazion.

USP – Mpede mandé inant l strom sëura tiera, fossel miec al fé passé sot a tiera, tres l tunel de prova dl Prëner. La Jonta provinziela vëij chësta idea me de bon uedl sce l strom vën nce a sud de Furtëza mandà inant sot a tiera.

USP – La Jonta provinziela de Bulsan uel scrì ora n cuncors per giapé l strom per la istituzions publiches a miëur priesc. Chësc ie unì fat ora (NCUEI) ai 06 de setëmber do avëi rujenà cun i chemuns.