Atualità

USP – I resultac sun la cumpetënzes di sculeies, aldò dl’analisa nternaziunela PISA ie nce unic analisei per la provinzia de Bulsan. I respunsabli dla scoles à (ncuei) 9 dezëmber prejentà la prima pert di resultac selezionei. I sculeies tudësc ie sëura la media OECD tl liejer, i taliani, n fruz dessot. I resultac PISA spezifics per i sculeies ladins muessa mo unì selezionei. I assessëures ala scola à detlarà de ulëi tò pruvedimënc per auzé i obietives.

USP – La pert auta dl furtin a Furtëza muessa unì cumededa ca. La Jonta provinziela à dat pro che l dëssa unì fat lëures per mantenì chësta pert che ie de gran valor architetonich y pieta na luegia adateda per manifestazions.

USP - La Jonta provinziela à (ncuei) 6 dezëmber dat pro la valutazion de dann ambientel dl proiet esecutif dla rola de prova dl tunel dl Prëner. La se trata dl segondo lot di lëures, che reverda l raion de Mauls tla pert auta dla Val d’Isarch.

USP – Prësc uniral nce tla provinzia de Bulsan scumencià cun i test de rujeneda taliana per extracomuniteres che uel giapé la lizënza de residënza per n tëmp nia determinà. La Jonta provinziela à (ncuei) ai 6 de dezëmber dat pro de mëter n drova la lege naziunela juntan nce la puscibltà de fé l test per la rujeneda tudëscia.

USP – La Jonta provinziela uel sustenì jëuni che se dà ju cun tuedes y à perchël dat pro n cuncors per na borsa. Fé pea possa esperc da tlo che lëura oradecà y tei da oradecà che lëura tla provinzia de Bulsan.

USP – L proiet pilot dl servisc dl dutor dai dënz dëssa unì slargià ora a duc i servijes saniteres che à bele l ambulautere njenià ite. La Jonta provinziela à te si senteda dl 6 dezëmber (ncuei) nce dat pro i caji de ticket lascià do defin y de ticket plu aut.

USP – Truep caji de tumor tl Südtirol dëssa vester gaujei dal fumé. Sun pruposta de dutores à la Jonta provinziela dat pro de fé n’analisa sce l tumor taca propi adum cun l fumé y sce la campanies de prevenzion porta nce resultac.

USP - La Provinzia se mpënia cun de plu servijes a dé nfurmazion sun l pericul de levines, ma dut chësc ne joa nia sce la jënt ne scota nia su. L presidënt dla provinzia Durnwalder à ncuei, 6 dezëmber, fat n apel de se nfurmé miec dan jì te raions da truepa nëif.

USP – L di dl ulentariat, n sada 4 de dezëmber ie stat ucajion per l presidënt dla provinzia Durnwalder de sëurandé set uneranzes. Danter i unerei iel nce Walter Valentin de Badia y Oskar Insam de Sëlva. Tla cësa Walther a Bulsan à l presidënt segurà de ulëi fé dut l puscibl per sustenì l ulentariat.

USP - Ncuei, 2 dezëmber mostra la RAI TV Ladina dla scumenciadiva „Ladins tl monn“, la plataforma de ancunteda y barat per ladins sun internet. La scumenciadiva dl Assessorat Provinziel Ladin pieta ucajion de cuntat danter i ladins che ie jic a viver ora per l mond y nce cun i cumpanies y parënc che vif ti luesc ladins. La documentazion de „Ladins tl monn“ unirà mustreda tl cheder dla trasmiscion Scenar, che scumëncia dala 20.30 sun l terzo canal dla RAI.