Atualità

USP – Tla Provinzia de Bulsan ie 274 persones amaledes de AIDIS, 725 ie unides tachedes dal virus HI. Sun la basa de chësta cumpëides se à l assessëur Richard Theiner (ncuei) ai 22 de auril, damandà de plu ahta de viers dla malatia. De chësc vieres vëniel ai 7 de mei metù a jì l cunvëni sun ëiles y HIV, y la manifestazion "Celebrating Life".

USP – Se dediché ai libri. Chësc ie chël che i trëi assessëures provinziei ala cultura mët a cuer a duc i zitadins, dantaprima ai jëuni, n ucajion dl di nternaziunela dl liber, de (duman) 23 auril. I libri ie nce de mpurtanza tl mond di media nueves, per dé inant savëi, speriënzes, cultura y rujeneda, à detlarà i assessëures.

USP – La Jonta provinziela à dat pro l program 2010 per sustenì l lëur per y cun la junanza tla valedes ladines. Sun pruposta dl assessëur ladin Florian Mussner iel unì dat pro de sustenì l’urganisazions che lëura per y cun jëuni y jëunes, y l’atività che l Ufize provinziel fej a bën dla junanza, nce ladina.

USP - Sun l decret legislatif per l bilinguism aspitoven bele giut, duman vënderdi 23 de auril iel sun l orden dl di Cunsëi di Ministri a Roma. Per chësta rejon jirà l presidënt dla Provinzia Luis Durnwalder duman ala senteda tl Palaz Chigi.

USP – 332 mutons y mutans vif tla Provinzia de Bulsan pra na familia de cura. Na familia de cura pieta a mutons te situazions de miseria cundizions de vita tl amor nchin che i possa jì de reviers te si familia. Na realtà che à pià pe, ma che adrova plu sustëni y nfurmazion. N cudejel nuef de nfurmazion ie unì prejentà ncuei (21 auril) a Bulsan.

USP – Plu debota, plu scëmpl y cun manco burocrazia jirà la pruzedures per giapé lizënzes per lauranc che vën da ora dl’Europa. Tla Provinzia de Bulsan uniral dat ora nchin a 1000 lizënzes de sajon. Da ncuei (21 auril) possa patrons de lëur fé la dumandes. La nuviteies che ie da tenì cont ie unides prejentedes ncuei a Bulsan.

USP – Na majera descuscion à la Jonta provinziela ncuei (19 auril) abù per la diretiva dl Stat sun l abort cun la pila o tres ntervënt chirurgich. Tla Provinzia de Bulsan sëurantuleran la streda data dant da Roma y perchël sarà la pila riesc nce da giapé ti spedei de Bulsan y Maran. Riesc do la senteda dla Jonta à l presidënt nce prejentà i argumënc tratei n cont de libri de storia nueves, sustëni per la families tuchedes dala tragedia dla val Venuesta y d’auter.

USP – La Cunsulta provinziela per i jëuni dla valedes ladins se à tëut a cuer l nvit dl’aministrazion provinziela de se fé pensieres n cont dla furmazion politica. L’ena passeda à i 11 jëuni de Gherdëina y Val Badia scrit na si posizion sun sies ponc ponc prinzipei che dëssa vester na sburdla per la populazion y istituzions de se tò a cuer la furmazion politica y de se fé pensieres.

USP - La curt da lì dla biblioteca provinziala Teßmann, che é gnüda inaugurada de setëmber dl 2009, é sëgn - do la palsa da d’invern- indô daverta por sü leturs.

USP – Sun la streda dl jëuf de Frea, danter Corvara y Col Fosch, à metù man i lëures per fé l puent da nuef. L Assessorat provinziel ai lëures publics fej n nvestimënt de feter 560.000 euro per garantì la segurëza sun chësc puent. L muvimënt de streda puderà ntan i lëures passé per na curta desviazion.