Atualità

  • Zitadins cuntënc cun l servisc publich 2009

    USP – Aldò dla nrescida dl Istitut provinziel dl statistica ASTAT ie passa 90% di zitadins dla Provinzia de Bulsan cuntënc cun l’aministrazion provinziela y l’aministrazion de chemun. Cun l’aministrazion naziunela ie me 65% cuntënc. I Servijes saniteres vën n generel udui de bona cualità, ma l messëi aspité giut ti desturba ai zitadins. Nia cuntënc ne iesen cun la posta, la ferata statela y i servijes dl telefonn: belau uni segondo à dit de vester melcuntënt cun chisc servijes.

  • Jonta provinziela per n zënter de nrescida sun l prim aiut tla montes

    USP – La Provinzia de Bulsan uel mëter su n zënter de nrescida per medejina de prim aiut tla montes. Chësc ie unì fat ora ncuei (6 lugio) dala Jonta provinziela. L presidënt Durnwalder à do la senteda prejentà i ponc de majer nteres: l giaurì de uties dl CAI, n daz sun l jëuf Stelvio, la cherta Museum mobil, la plaza dai auti pra l spedel de Bulsan y n zënter de nfurmazion sun l tunel dl Prëner a Furtëza.

  • Servisc zevil: dumandes per giapé ulenteres nchin ala fin de lugio

    USP – Nchin ala fin dl mëns possa urganisazions se scrì ite tla lista per giapé ulenteres dl servisc zevil. A livel naziunel vën alincontra nchin ai 27 de lugio publicà l cuncors per ulenteres.

  • Maroni y Durnwalder pra mëisa de descuscion: prupostes te sies mënsc

    USP – Nchin ala fin dl mëns na pruposta sun argumënc y tëmps, nchin te mez ann prupostes cuncretes: chësc à cunedì l minister per cuestions nternes Roberto Maroni n vënderdi sëira (3 lugio) a Bulsan do la mëisa de descuscion sun la cunvivënza. “Duc chëi che à rujenà pea à nce dit l’aurità, spere medrë che la ulentà de rujené cun scerietà vënie nce cuncretiseda. La va de lauré per soluzions y no per se tré ora velch a fin politich” à detlarà l Presidënt dla Provinzia Luis Durnwalder.

  • Resultac dl ejam de Stat ala fin dla Scola Mesana ti luesc ladins

    USP - L Intendent Ladin Roland Verra lascia al savei i resultac dl Ejam de Stat ala fin dla Scola Mesana te Gherdeina y tla Val Badia.

  • La Dolomites ie arpejon culturela dl Unesco

    USP – L Cunsëi dl’urganisazion mundiela per l cultura Unesco à ncuei (26 juni) detlarà la Dolomites “arpejon naturela mundiela”. “La Dolomites à a chësta maniera giapà la majera recunescënza al Mond per n raion naturel” sorissea l presidënt dla Provinzia Luis Durnwalder y l assessëur Michl Laimer. L assessëur ie nstës stat a Sevilla canche l cunsëi mundiel dl Unesco à fat la detlarazion.

  • Jugendring y l assessëur Mussner trata i bujëns di jëuni

    USP – Reprejentanc dla lia tët di jëuni „Jugendring“ se à n inier domesdì (25 juni) ancuntà cun l assessëur Florian Mussner per rujené de bujëns y dërc dla lies che lëura per i jëuni y per mutons nstësc. Per l cunsëi dl Jugendring lità da nuef dan n mëns, iel stat la prima ancunteda ufiziela cun l assessëur provinziel ladin.

  • Messner y Lamonaca vënc l pest provinziel per artisc’ ladins

    USP - Philipp Messner de Urtijëi y Giancarlo Lamonaca de S.Martin de Tor à venciù l pest scrit ora dala Repartizion ala Cultura ladina dla Provinzia de Bulsan. Na bela cumpëida de artisc’ à fat pea l cuncors per ladins de duta cin valedes ladines. A 11 artisc’ ti vëniel d’autonn dat la puscibltà de mëter ora si opres tla Galaria Prisma a Bulsan.

  • Ndicazions per la scoles ladines dates pro a Roma

    USP - L Cunsëi Naziunel dla Publica Istruzion a Roma à n lunesc (22 juni) dat pro la Ndicazions Provinzieles per la Scoles elementeres y mesanes ladines. Do passa 20 ani, porta la ndicazions inuvazion di cuntenuc y dla metodologies dl mparé per la scola ladina. La majera nuvità che jirà n dorva de setëmber cun l ann de scola nuef, reverda la scola elementera cun n’ëura de nseniamënt de plu.

  • Nueva stala didatica tla scola auta per lëur da paur (cun audio)

    USP – Pra l luech Happacher che fej pert dla scola auta per lëur da paur a Auer vëniel fat su na stala didatica. Deberieda cun l Presidënt dla Provinzia Durnwalder y l assessëur Mussner iel n mierculdi (24 juni) unì festejà la colm.