Atualità
-
Pericul de levines sun i jëufs ntëur l Sela
USP – Per pericul de levines resta i jëufs ntëur l Sela sarei. Do che n à bele stlupetà per fé unì ju la nëif valuterà la cumiscions dla levines ncuei co jì inant ntan i proscimi dis. “L vën fat dut cie che se lascia per garantì segurëza a chëi che ie sun streda, ma canche l ie tan truepa nëif sciche sën, messons nce saré i jëufs” spiega l assessëur provinziel Florian Mussner.
-
Fiera per scola y mestier gëura ai 12 de fauré
USP – Cun 13 y 14 ani muessa i jëuni tò na dezijion mpurtanta: la se trata de crì ora la streda che porta ala furmazion plu adateda. Ciuna scola auta o ciuna scola prufesciunela. La fiera dla scoles y di mestieres dai 12 ai 14 de fauré tla Stadthalle a Bulsan juda sculeies y genitores cun nfurmazions de utl.
-
Jonta provinziela dl doi de fauré
USP – La Jonta provinziela de Bulsan se ncuei lunesc (02 de fauré) dantaprima dat ju cun l bilanz provinziel per l ann 2009. N linia de mascima ie i assessëures a una sun co spartì su la 5,4 miliardes de Euro. L presidënt Luis Drunwalder à do la senteda prejentà i ponc de majer nteres, danter chisc nce la fundazion per ntegré la Dolomites tl patrimone naturel recunesciù dal Unesco.
-
Ultimo di per l cuncors dla zircunvalazion de Sëlva
USP – Njenieres y tecnics nteressei possa nchin duman, merdi 3 de fauré de jù si prupostes per la proietazion dla streda de zircunvalazion de Sëlva. 52 ntressei se à fat dé la documentazion y la cundizion de chësc cuncors.
-
Analisa di ejams de matura dal 2004 al 2007
USP – L’analisa di ejams de matura à mustrà su na tendënza valiva danter la scoles dla trëi grupes de rujeneda tla Provinzia de Bulsan. Chësc ie unì ora da n lëur fat dai servijes de evaluazion dla rujeneda tudëscia, taliana y ladina. I resultac dl’analisa ie unic prejentei da Rosa Maria Mussner, Bernard Hölzl y Francesco Magno te n cudejel.
-
Dal 1999 iel unì finanzià 1,8 miliardes per l frabiché alesirà
USP – La Provinzia de Bulsan à ti ani passei spendù ite 1,8 miliardes de Euro per l frabiché alesirà. Chësc ie unì prejentà n ucajion di diesc ani dla lege per sustenì l frabiché de cuatieres.
-
Program de lëur dl Guviern fat ora te na senteda a pert
USP – Te na senteda de passa trëi ëura à l Guviern provinziel inier (27 jené) laurà ora l program de lëur y la prioriteies per l ann 2009. L presidënt y i assessëures à nce purtà inant de plu pruvedimënc per sustenì i lauranc, la families y la firmes n cont dla crisa economica. L presidënt Luis Durnwalder à prejentà la dezijions che ie unides tëutes.
-
Iscrizions ala scoles ladines
USP - Genitores possa ntan chëst ena mo scrì ite si mutons y mutans per l ann de scola che vën. L ultimo di per la iscrizions ala scoles elementeres y mesanes tla valedes ladines ie l 31 de jené 2009. La iscrizions ala scoles autes te Gherdëina y tla Val Badia possa unì fates nchin ai 31 de merz.
-
Jonta provinziela dl 26 de jené
USP – L pont de majera mpurtanza dla senteda dla Jonta provinziela ai 26 de jené, ie stat co spartì su l bilanz de 5,4 Miliardes. La dezijion definitiva muessa mo unì tëuta. N cont dla reforma dla scoles ie l Guviern provinziel sfurzà a sëurantò la mudazions n cont dla valutazions di sculeies. La veles dl Chemun de La Ila unirà tenides ai 3 de mei 2009.
-
Materies de matura tla scoles ladines
USP – La materies che unirà damandedes tla segonda prova scrita dl’ejam de stat tla scoles autes ladines ie unides crisses ora. La Ntendënza ladina à una cun l Ministèr dl Istruzion a Roma à nce fat ora ciuna materies che vën damandedes ora a usc dai cumëmbri dla cumiscion che vën da d’autra scoles.