Atualità

USP – L va debujën de istruzion ala cultura architetonica y de schivé hotiei fai do a na cësa da mont, udui sciche kitsch. Chisc ie stai doi argumënc plu sentii tla mëisa de descuscion n ucajion dl di dla cultura ladina metù a jì dal Assessorat ala cultura ladina ncuei (juebia 2 de utober) a Bulsan.

USP – I mejes de Gherdëina y la viles dla Val Badia ie na gran richëza architetonica dla cultura ladina, perchël vala de la mantenì cun cuscienza. Chësc ie stat l pensier zentrel dl di dla Cultura Ladina ncuei (juebia 2 de utober) a Bulsan. “I mpulsc y la vijions de chësc di ie na basa sun chëla che l unirà laurà inant” nsci l assessëur provinziela ala cultura ladina.

USP – La segonda Cumiscion per la defendura dla cuntreda à dat pro che vënie miureda la streda per ti ruvé permez ala Cësa de Paussa de San Martin de Tor passan per Luvara. Chësta decijion ie unida tëuta tla senteda de n merdi de chëst’ena.

USP – L’architetura tipica dla valedes ladins possa unì mantenida nce sce l’abitazions vën renuvedes. De chësc vieres uel l Assessorat Ladin dla Provinzia sensibilisé n ucajion dl di dla cultura ladina, n juebia 2 de utober a Bulsan.

USP – L sciaudamënt di cuatieres ne vën nia for fat n cësa. For de plu luesc dl Südtirol à mplanc de sciaudamënt a distanza ulache l vën tizà massa biologica. Chi che ulëssa se fé n cheder da ula che vën plu avisa chësc sciaudamënt a distanza y co che l vën njenià, possa n sada ai 4 de utober jì a ti cialé à un di 33 mplanc tla Provinzia de Bulsan.

USP- I lëures per seguré l parëi sëura la streda de Puntives va inant drët bën. Per la sajon da inviern puderan passé l toch danter Runcadic y Puntives cun plu segurëza. Chësc ie unì detlarà ncuei (merdi, 30 de setëmber) pra na vijita di lëures da pert dl assessëur ai lëures publics.

Per l 29esimo di mundiel dl turism dedicà al argumënt dl turism tla sfida dla mudazion dl tlima, à l istitut de statistica ASTAT dat ora dac sun la mubilità turistica tla Provinzia de Bulsan. Tl medem tëmp vëniel nce publica nfurmazions sun i muvimënc turistics de lugio y agost 2008. Tla provinzia iel de lugio stat n plu de 2,2% de prejënzes, de agost 1,4% de manco.

USP – Duman merdi, 30 de setëmber unirà la lege per la feries sun l luech da paur publicheda tla gazëta ufiziela dla region. Na pert economica che ie dassënn tl crëscer vën a chësta maniera regulamenteda da nuef n cont dl albierch y dl dé ora spëisa.

USP – La Jonta provinziela de Bulsan uel purté inant i ponc fundamentei dla suvenzions de abitazion. Tres delibra iel bele unì auzà i mprësc’ y i cuntribuc per l prim cuatier. Tla senteda de (ncuei) lunesc, 29 de setëmber iel nce unì tratà la lege nueva sun la scola y cuntribuc ai chemuns per mantenì la stredes.

471 candidac se à prejentà per la veles provinzieles dl 26 de utober. La listes ie unides publichedes sun la plates internet dla Provinzia de Bulsan.