Atualità

USP – Per la veles dl 26 de utober se a prejentà 15 listes. Chësc ie unì fat al savëi n juebia 25 de setëmber dala cumiscion zentrela per la veles. L orden do chël che la listes vën metudes sun la zedula de vela ie unì trat a sort.

USP – La realisazion di pruvedimënc dla Jonta provinziela per rafurzé la forza de compra ie de n var plu inant. Ai 23 de setëmber iel unì publicà l decret che auza l mënder davani soziel y i cuntribuc per curì la esigënzes primères. Ai 8 de utober jirà la regulamentazion nueva ndrova.

USP - N juebia, ai 2 de utober 2008 uniral tenì l “L di dla cultura ladina” tl palaz Widmann a Bulsan. L Assessorat ala Cultura ladina y la Cunsulta culturela ladina à per chëst ann cris ora l argumënt “Architetura y cultura: Ce funzion à pa la cultura dl frabiché y dl abité n relazion al’identità?”. L di dedicà ala cultura ladina cun l Assessëur ladin y l Presidënt dla Provinzia uniral tenì referac y na mëisa turonda.

USP – Sculeies dla trëi grupes de rujeneda che à fat la matura cun la miëura notes ie unic unerei (ncuei) juebia 25 de setëmber dal presidënt dla Provinzia de Bulsan y dai assessëures ala scoles. Di 119 unerei ie cinch dla valedes ladines.

USP – N mierculdi che vën, prim de utober se tratela a Persenon dla comunicazion danter ël y ëila. L’esperta Barbara Monti purterà dant na cunferënza metuda a jì dal ufize provinziel d’ëiles. La sëira tla cësa Lachmüller scumëncia dala 20.00.

USP – La jonta provinziela de Bulsan à te si senteda de (ncuei) lunesc 22 de setëmber dat pro i reprejentanc dla comuniteies raioneles y esperc educatives tl cunsëi de direzion per la scolines ladines.

USP- La Jonta provinziela de Bulsan à te si senteda de (ncuei) lunesc 22 de setëmber fat ora de ulëi fé na mediazion danter l presidënt dla FISI Morzenti y i cumiteies che mët a jì la garejedes de copa dl mond de schi te Gherdëina y tla Val Badia. Tla senteda iel danterauter nce unì tratà l sustëni per l aiut cun l joler, l cuntrol dla lores, paiamënc per nsenianc y la ndenità per jënt che sta ora dla Talia y vën a lité.

USP – 38 persones che ie states atives de te plu ciamps soziei, dala cultura ala religion, politica o economia ie unides uneredes n dumënia, 21 de setëmber tl ciastel Tirol, sëura Maran. La crëusc de merit à nce pudù pië do Ida Sorarui Lardschneider, la sëula reprejentanta dla grupa de rujeneda ladina.

USP – Campania de prevenzion di jëuni „plu plan... per mioré la vita“ vën prejenteda n vënderdi ai 19 de setëmber tla televijion.

USP – La families furnea a miëur priesc: do chësc moto à l dipartimënt provinziel laurà ora da nuef l sistem dla tarifes. L resultat ie na lingia de priejes lascei do per mëndri, jëuni, families y jënt de tëmp. La chertes y la tarifes a miëur priesc ie unides prejentedes (ncuei) ai 17 de setëmber a Bulsan dai assessëures ala mubilità y ala families.