Atualità

USP – La Viles dla val Badia vën prejentedes te na produzion televijiva che sarà da udëi n vënderdi ai 19 de setëmber sun la RAI de Bulsan. L Assessorat Ladin uel sensibilisé n cont dl gran valor dla viles.

USP – La scola prufesciunela per l artejanat artistich de Gherdëina à scumëncià l ann de scola cun na berstot davierta. Sculeies da plu pertes dla Talia y da oradecà à pudù se ancunté y se baraté sperienzes ntan che l ie unì mparà te berstot.

USP - La Jonta provinziela de Bulsan à dat pro l proiet esecutif per l ntreda tla Val Badia n cont dla valutazion dl dann ambientel. Mierculdi ai 17 de setëmber vëniel sëurandà i lëures.

USP – n cheder dla pusciblteies de autodefendura fisica vëniel (duman) ai 17 de setëmber dat a Laion. Al workshop metù a jì dal ufize provinziel per l’ëiles ie nviei duc i nteressei.

USP - N vënderdi ai 19 de setëmber se anconta i diretëures dla scoles y dla scolines ladines a San Martin de Tor per rujené dla nuviteies che l guviern de Roma à udù dant per la scoles.

USP - Cun legrëza à 200 sculeies y 50 maestri dl ITC Raetia y dla scola prufescionela pudù mëter man chëst ann de scola te na strutura nueva defin, cun truepa lerch y majons spezieles. L presidënt dla Provinzia y l Assessëur ladin à sëurandat la scola de 28.300 cubic. Sëuraprò à la scola nce na palestra, n’aula magna y na biblioteca.

USP - La surandada dl pest d’architetöra "Viles - na vila de valüta" da pert dl Assessur Florian Mussner gnará tignida ai 6 de setëmber 2008 tl Museum Ciastel de Tor a San Martin. Te chësta ocajiun vëgnel ince daurì la mostra cun i proiec che é gnüs presentà por chësta gaujiun.

USP - Chëst ann possa la cësa“Assudëi” ti pité albierch a 12 sculeies mplu. “Bele l ann passà se ova scrit ite de plu sculeies de chëi che ne pudan tò su, perchël ons trasfurmà 12 majons doples te triples”, nsci dij l assessëur Florian Mussner.

USP - Ai 27 de agost 1948 univa publicheda la urdenanza dl Minister Guido Gonella n. 5145 che metova dant l model paritetich de nseniamënt per la scoles elementeres ladines te Gherdëina y tla Val Badia. "Ti ultimi 60 ani iel unit fat dl dut per crië na scola per i ladins, che curespuend a si bujëns", nscila sotrissea l Assessëur ladin Florian Mussner y l Ntendënt Roland Verra, che rengrazieia duc canc per l lëur de gran valuta tl ciamp dla scola.

USP - Ai 5 de setëmber 2008 uniral tenì l tradizionel di dla Scola Ladina tla “Cësa dla Cultura Luis Trenker” a Urtijëi metan man dala 9 danmesdi. L Assessëur Florian Mussner purterà dant la nuviteies plu mpurtantes n cont dla politica scolastica tl raion ladin.