Atualità

USP - Por le secundo iade vëgnel tignì en vëndres, ai 22 d’otober 2004 le “Dé dla cultura ladina”. Le fin de chësta manifestaziun é chël d’alzè fora tematiches che reverda la mendranza ladina mo che po ince ester d’interès por i atri grups linguistics. L’argomënt de chësc ann é la “Storia dla scora ladina tl tëmp dan y do les Gran Veres”. La manifestaziun vëgn organisada dal Assessorat provinzial por la cultura ladina. Ala manifestaziun tolarà ince pert le Presidënt dla provinzia Luis Durnwalder, l’ Assessur por la scora y cultura ladina, Florian Mussner, l’ Assessuria por la cultura todëscia, Sabina Kasslatter Mur y l’ Assessur por la cultura taliana, Luigi Cigolla.

USP - I dui parcs naturai Fanes-Senes-Braies y Pöz-Odles à sëgn ciafè sües plates internet por ladin. Tla Rëi zivica pon chirì fora i dui parcs naturai y tl menü prinzipal de chisc él da ciafè da sëgn inant ince l’opziun “Plates ladines”.

LPA - La sëra de benefiziënza por i “mituns paôi” gnarà presentada en jöbia ai 14 d’otober a Balsan.

USP - L plurilinguism ie n pont carateristich dl sistem scolastich tla valedes ladines dla provinzia de Bulsan. L Intendent Roland Verra se à bele tl passà dat ju dassen cun chesc argument. Tla publicazion "Ladinisch.Paritätisch. Mehrsprachig", che ie permò unida ora, val ite avisa sun l tema di lingac tla scoles ladines.

USP – Tl’Europa carateriseda da na culaburazion sëura i cunfins y l marcià globalisà, devëntel for plu mpurtant a cunëscer rujenendes. „Savëi da rujené de plu rujenedes porta vantages“, sorissea i assessëures provinziei ala scoles Florian Mussner, Luisa Gnecchi y Otto Saurer n ucajion dl di dla rujenees de duman dumënia, 26 de setëmber 2004.

USP – Ndut iel stat diesc ponc mpurtanc che la grupa de lëur per l purté inant plu aslune i lëures sun la stredes dl Südtirol, à tëut tres te si senteda de inier juebia, 23 de setëmber a Bulsan. Rapresentanc dl coleghium di lëures publics cun l assessëur Florian Mussner à rujenà sun diretives per la firmes de costruzion, ma nce per proietanc, cun l fin che i lëures possa ji inant aslune, zënza dificulteies y zënza custimënc sëuraprò.

USP – La streda dla Val Badia unirà duman vënderdi, 24 de setëmber sareda per dut l muvimënt sun duta la lunghëza; chësc ie debujën per rejons de lëures. Ai 30 de setëmber y prim de utober 2004 saral pona debujën de saré mo n iede la streda a Longega per de plu ëura.

USP – Per via di lëures che vën fai sun la streda da Plan de viers de Frea y Jëuf dl Sela, vën chësta streda n vënderdi ai 24 de setëmber sareda da duman ora.

USP - Cun truëp ntujiasm y gran nteres ie uni tëut su l forum da chëst ann tenì l ultimo vënerdi tl Ciastel Colz a La Ila. Truëp artisc y nteressëi d’ert ie ruvei caprò da Gherdëina y dala Val Badia per pudëi to pert ala manifestazion metuda a ji dal Assessorat per la Cultura Ladina.

USP – Chi che fej tl ann de scola 2004/05 vel furmazion de basa o furmazion spezialiseda per n mestier tl ciamp saniter possa fé cont cun vel suvenzion de studi sce l tën ite la cundizinos damandedes. Chësta normativa vel nce per la ncëires prufescioneles y de aiut tl ciamp saniter.