Atualità
-
Jëuf de Sela inò sarà per levines
La steda dl Jëuf dl Sela resterà bonamënter sareda nchin duman, merdi ai 20 de auril.
-
Durnwalder anconta rapresentanc dla Scumenciadiva per plu Democrazia
USP – L presidënt dla Provinzia Luis Durnwalder sa à ancuntà cun Stephan Lausch y n valgun autri rapresentanc dla Scumenciadiva per plu Democrazia pe rujené dla pruposta de lege sun la decijions dla populazion. N referendum dëssa me uní fat per decijions che à da n fé cun duc i zitadins o per cuestions de basa sun l svilup dla provinzia, miena l Presidënt dla Provinzia.
-
Milesc se arjuma de paië la chëuta per l auto
Usp – Per milesc de auti ne iel ntan i ultimi cater ani nia unì paià ita sciche toca la chëuta. Aldò dl Ufize Provinziel per la Chëutes nen fovel ntan l ultim ann ntëur 25.000. L lëur che se damanda truep tëmp y organisazion ie sën duvier dla Provinzia. L assessëur ala finanzes Werner Frick cunsiëia de paië ite tres sitemes segures sciche l internet, la butëighes autorisedes o tres l ACI.
-
Dumandes per l pest ala cura dla cuntreda 2004
Usp – Chëi che mantën si puscion tl respet dla natura unirà nce chëst ann premiei dala Union Europea y dala Ripartizion per Natura y Cuntreda. Per l sië de prei speres, prei da mont cun truepa ierbes defrëntes, prei y pastures da leresc, l nia vardé te palusc y l mantenimënt de arjëies veniel dat ora pesc’. Chëst ann possen nce damandé do l pest per la cura de bosc da castania y i prei cun lëns da versura sparpaniëi.
-
La lege finanzera 2004 va n drova ai 21 de auril
Usp – L bilanz provinziel 2004 che ie unì dat prò dal Cunsëi Provinziel de Bulsan da duman ora dl 3 de auril jirà n drova n mierculdi ai 21 de auril.
-
Ejam pratich de amiscion per mëinacrëp
Usp – Per pudëi fé pea i cursc de basa da mëinacrëp, muessen danora avëi n ejam pratich de amiscion. Dal 4 al 6 de juni 2004 ie l proscim ejam de amiscion per chël che n possa se lascé nuté su nchin ai 14 de mei.
-
Presidënc y cumiscons per l ejam tla scoles autes ladines
Usp – Ntan chisc dis à la Ntendënza scolastica Ladina numinà la cumiscions y i presidënc de cumiscon per i ejames de stato tla scoles autes a La Ila y Urtijëi.
-
Orares nueves per Museum Ladin Ciastel de Tor
Usp – Da chëst ena ie l Museum Ladin Ciastel de Tor a San Martin de Tor inò daviert per la sajon da instà. Chëst ann an orares de giaurida nueves, nteressei possa nce vijité l Museum Ladin n Lunesc de Pasca domesdi, ai 12 de auril 2004.
-
L jëuf de Sela y l Frea ie inò davierc
Usp – L Servisc Provinziel per la stredes lascia al savëi che jeuf de Sela y l Frea ie sën inò davierc al muvimënt di auti.
-
Dumandes per i pesc’ agroambientei y supelmënc
Usp – Ntan i proscimi dis possa unides dates ju la dumandes per n suplemënt y l pest agroambientel. L assessëur Hans Berger lecorda che tres l servisc de assistënza dla Lia di Paures pudran inò renuvé la dumandes, fé mudazions o fé dumandes nueves. Chëi che à bele fat l ann passà na dumanda unirà nviei a n’ancunteda, duc i autri nterssei dëssa damandé n termin tl ufize de raion dla lia di paures.