Atualità

Usp - La cumiscion per la valutazion dl mpat ambientel à dat pro de fé n zënter dal strom nuef a Longiarü, daujin al chël che ie bele. Chësc ie unì fat ora tla senteda de chëst’ ena.

Usp – Per la truepa jënt che unirà chisc dis tla Val Badia ie da ncuei, juebia ai 18, la streda ino davierta. L’urdinanza dl Assessëur Florain Mussner vel nchin ai 13 de auril 2004. Te chësta ucajon à Mussner ulù savëi tan inant che n ie cun i lëures. Sun cin tuniei ie cater bele giavei ora. Per l viadot nuef ie ot stizes bele sù. Al mumënt vëniel laurà per la segurëza.

ast - L svilup dla rujeneda ladina tl idiom de Gherdëina à nsnuet, mierculdi 17 de dezëmber, arjont n auter var mpurtant. Cun l CD nuef dl vocabuler tudësch-ladin de Gherdëina se lascel lauré plu saurì cun nosta rujeneda dl’oma. La forma digitela dl vocabuler de Marco Forni pieta, dantaldut per chëi che uël mparé l ladin, nce de pudëi audì la drëta pronunzia dla paroles. L Istitut Culturel Ladin Micurà de Rü à nsuet presentà l strumënt neuf tla scolina de Urtijëi cun na performance drët tucheda.

Usp – Pra l vocabuler „tudësch – Ladin de Gherdëina“ iel unì fat na CD. L Istitut Culturel Ladin „Micurà de Rü“ l presenterà n mierculdi ai 17 de dezëmber 2003, n presënza dl assessëur ladin Florian Mussner, tla Scolina nueva Salieta a Urtijëi.

Usp – La sgonda cumiscion per la defendura dl’ambient à te si sënteda tëut tres l proiet per fé na streda chemenela a Mareo, Pluania. I resultac de n sëuraluech fajerà to na decijion.

Usp – Per l bon lëur cun l proiet plurilinguistich „Museumspass“ à na delegazion dla 2a tlas dla Scola Mesana de Urtijëi pudù pié do a Roma, tl Ministero per l’Istruzion, l pest „Label“. Ala premiazion de n juebia ai 11 de dezëmber, ie nce furnei l ntendënt Roland Verra, l diretëur Helmuth Senoner y nsenianc che à judà pea tl proiet.

OSP - Duman juebia ai 11 de dezëmber 2003 furnea na delegazion dla Scola Mesana de Urtijëi cun l Ntendënt Roland Verra a Roma a pië do l pest sëurandat dala Ministra dla Istruzion Moratti. La scola à venciù l prim pest LABEL per la categuria scola mesana cun n proiet sun l’educazion linguistica ntegreda, l pest vën sëurandat ai mieur proiec sun la rujenedes.

Usp – L ie unì scrit ora n cuncors per la stieres da nsenianc de tlas y per nsenianc de religion dla scoles elementeres ladines. La dumandes per fé pea al cuncors possa unides dates ju nchin ai 23 de jené 2004 tla Ntendënza ala Scola Ladina a Bulsan.

Usp – Strutures publiches o privates che lëura tl ciamp soziel y che à la predisposizions per giapé n sustëni publich, possa damandé n antizipazion dl cuntribut per l ann 2004. L’Aministrazion Provinziela dà 70% de antizipazions sun l cuntribut ordiner. La dumandes muessa unides dates jù nchin ai 15 de dezëmber tl Ufize Provinziel per familia, ëiles y junëza.

La populazion cun n livel de furmazion plu aut ie aumentedea respet ai ani 70. Amenteda ie nce la percentuela dla populazion cun l diplom de scola auta de belau 20%. L aumënt de chëi che à fat la scola de speczialisazion ie de plu o manco cater percënt.