Atualità

USP - L’opera “Al confine. Sette luoghi di transito in Tirolo, Alto Adige e Trentino / An der Grenze. Sieben Orte des Übergangs in Tirol, Südtirol und im Trentino” é le proiet dl grup de laûr "Storia e regione / Geschichte und Region" en colaboraziun cun l’Université de Desproch, l’Université de Trënt, l’Archif dla Provinzia y la ”Fondazione Museo Storico del Trentino” y vëgn dada fora da: Andrea Di Michele, Emanuela Renzetti, Ingo Schneider y Siglinde Clementi. La presentaziun ai 8 de novëmber tla biblioteca provinziala Teßmann a Balsan, scomëncia dales 20.00.

USP – Riesc do che la Jonta provinziela à dat pro de tlamé l’aministrazion dla scoles de mujiga “tudësces y ladines”, à i assessëures provinziei Florian Mussner y Sabina Kasslatter Mur (INIER) ai 22 de utober sotscrì l’acurdanza per mené la scoles de mujiga ti luesc ladins.

USP - La Cunsulta provinziela per la Cultura ladina à te si senteda da d’autonn, (INIER) ai 11 de utober tratà la dumandes per n sustëni finanziel a nvestizions. Duta la diesc dumandes che reverda chësta sort de cuntribuc tl ciamp dla Cultura ladina ie unides azetedes.

USP – Do che l’analises dl lëur de scola y dla cumpetënzes arjontes dai sculeies ie i ultimi ot ani unides coordinedes da n cumité per l’evaluazion, vën l lëur de evaluazion da chësc ann de scola curà da na culaburadëura dla Ntendënza. Pra l rendicont dl Cumité de evaluazion tla scola ladines dal 2004 al 2012, (NCUEI) ai 11 de utober a Bulsan, iel unì mustrà su la mpurtanza di mpulsc dl’evaluazion per svilupé inant l sistem scolastich ladin. Te chësc mumënt iesen tl lëur da analisé la cumpetënzes di sculeies ladins tla rujeneda nglëija.

USP – Bele l se anjenië ie na arjonta: nce sce la Provinzia de Bulsan se mpënia cun si partner dl nord est dla Talia a deventé capitela europea dla cultura 2019, uelen bele nuzé la fasa de preparazion per ti dé plu valor ala cultura. Un de chisc vares ie l cuncors de ideies per lies cultureles che ie unì prejentà (NCUEI) ai 9 de utober.

USP - L Cumité per l’evaluazion dla scoles ladines fajerà n juebia, 11 de utober na relazion de si atività. L’analisa dla cumpetënzes di sculeies ie n mesun per museré l garaté dl lëur didatich dla scoles. Pra la prejentazion, tla sënta dla Ntendënza Ladina a Bulsan, uniral fat n cheder generel l lëur fat nchinamò dajan nce na udleda al daunì.

USP - Per la pruspetives de lëur y de studi giata l savëi de rujenedes for na majera mpurtanza. Tla scoles autes di luesc ladins vëniel chëst ann per l prim iede tratà tematiches tla rujeneda nglëija per anjenië mo miec i jëuni sun si streda prufesciunela do la scola auta.

USP – La dezijion de ciuna furmazion do la scola mesana y la pruspetives de giapé da lëur se damanda na bona basa de nfurmazion. Da n juebia nchin n sada, dai 4 ai 6 de utober giata i jëuni y i genitores duta la nfurmazion prejënteda tla fiera dla furmazion Futurum a Bulsan.

USP - N ucajion de chësc di ulëssans sotrissé la mpurtanza de na vijion europeica propi per cie che reverda la rujenedes. "Mparé rujenedes uel dì pudëi comuniché, pudëi ntënder y nsci se giaurì y cunëscer d’autra realteies cultureles", dij l Assessëur Florian Mussner.

USP - L Cunsëi scolastich provinziel à lità si presidënza nueva per i proscimi cater ani. La ncëria da presidënt vën curida a rotazion danter la grupes de rujeneda y ntan l ultimo ann menerà Edith Ploner chësc majer organn cunsultiv dla scoles tla Provinzia de Bulsan. (NSNUET) Ai 17 de setëmber iel nce unì lità Christoph Hartung von Hartungen per la grupa tudëscia y Carlo Runcio per la grupa taliana.