Atualità
-
100 agn Gran Vera: domandes y respostes sön la plata dl’Euregio
www.14-18.europaregion.info é la misciun dl portal metü sö deboriada danter le Südtirol, le Tirol y le Trentin y che vëgn aministré dal’Euregio che reverda n’analisa storica dla Pröma Vera Mondiala y de sües conseguënzes por nüsc raiuns. Tla seziun „Let’s talk“ vëgnel insciö presentè vigni mëis na tematica nöia: por le momënt nen vara dl Monumënt ala Vitoria de Balsan.
-
Iscriziuns tles gradatöres provinziales y d’istitut ćina ai 8 de aurì
Les iscriziuns por l’inserimënt tles gradatöres provinziales nöies, por la re-ejaminaziun di punć por les gradatöres „a esaurimënt“ y por l’inserimënt tles gradatöres d’istitut por l’ann de scora 2015/16 mëss gnì dades jö ćina les 12:00 ai 8 de aurì pro l’Intendënza ladina a Balsan.
-
Invit ala presentaziun dl CD »Gejù, cun tè poi crësce« ai 13/03 a La Val
La CD „Gejù cun tè poi crësce“ é na racoiüda de ćianties religioses metüda adöm dales scolares y dai scolars dla 5a tlassa dla scora elementara da La Val dl ann passè sot la direziun musicala de Veronica Rubatscher. Le resulat final, dè fora dal Ćiamp Inovaziun y Consulënza dl Departimënt Educaziun y Cultura Ladina, gnarà presentè en vëndres, ai 13 de merz, dales 16:00 tla dlijia da La Val.
-
Di dla porta davierta tl Lizeum d’ert “Cademia” y tla Scola prufesciunela
L Lizeum d’ert “Cademia” y la Scola prufesciunela per l artejanat artistich de Urtijëi se prejenta doduman ai 6 de merz 2015 n ucajion dl di dla porta davierta cun n “viac tl tëmp”.
-
Dé di museums dl Südtirol: Le 2015 é dediché ai jogn
Söporjö 100 esperć y colaboradus di musems dl Südtirol s’à incuntè incö, lönesc ai 2 de merz tl Museion da Balsan por la nona incuntada anuala tl contest dl Dé di Museums dl Südtirol. Le tema prinzipal dl’incuntada é stè „Young & Museum“, la vijiun che fajarà da cornisc por döt l’ann tematich.
-
Scores de musiga: Iscriziuns por l’ann de scora 2015/16 ćina ai 31/03
Ćina la fin de merz pon se scrì ite por l’ann 2015/16 dles scores de musiga y por les edemes da d’isté 2015. Les iscriziuns por les scores de musiga dla Val Badia y de Gherdëna mëss gnì dades jö tles döes direziuns cun sënta a La Ila y a Urtijëi.
-
Plurilinguism, intlujiun y lidëza: Vijita dles scolines dla Val Badia
Odëi sciöche al vëgn laurè söl post, analisé le svilup dl insegnamënt tles scolines y constatè la complessité dl laûr dles maestres aldedaincö:chisc é stà i punć prinzipai dla vijita da inier (26/02) dl assessur Florian Mussner, dl intendënt Roland Verra, dl’ispeturia Edith Ploner, dla direturia Hannelore Insam y dla responsabla por l’intlujiun Carla Comploi a n valgönes scolines dla Val Badia.
-
Pröma sentada di rapresentanć di scolars dl‘Euregio ai 09/03
En lönesc, ai 09/03 s’incunta i rapresentanć dles scolares y di scolars dl‘Euregio por presentè deboriada sües ghiranzes, danterater sön „l’educaziun politica“, la mobilité y i sistems de valutaziun y por se baratè fora cun le rapresentant di scolars federal austriach Lukas Faymann. Do la sentada plenara danmisdé él preodü na conferënza stampa dales 14.30.
-
Porta daverta tles scores altes ladines: ITE ai 03/03 y Cademia ai 06/03
Por daidé i scolars y les scolares dla scora mesana da to la dezijiun sön ći scora alta chirì fora vëgnel organisé plü dis dla "porta daverta" y manifestaziuns d’informaziun te döt Südtirol: ai 03 de merz él sön le program le Dé dla porta daverta tl „ITE – WFO – Sport Raetia“ a Urtijëi y ai 06 de merz tla Scora d’Ert „Cademia“ y scora profescionala por l’artejanat artistich.
-
Les ëres y le laûr: Mostra fotografica dai 2 de merz inant
Do che le laûr dles ëres ê stè por secui chël dles paures, s’àl daurì por vëres tl 20ejimo secul plü poscibilitês de laûr. Na suraodüda dl svilup tl monn dl laûr dles ëres tla perioda dal 1930 al 1970 y i mudamënć che taca laprò vëgn pitada dala mostra fotografica „Les ëres y le laûr“ che gnarà daurida ai 2 de merz a Balsan.