Atualità

USP - N lunesc, ai 18 de nuvëmber, uniral prejentà tl’Università a Persenon la terza pert dla Gramatica paredleda dl ladin, talian y tudësch che reverda la frasa scëmpla. La prejentazion unirà fata dai autëures Peter Gallmann, Heidi Siller Runggaldier y Horst Sitta.

LPA - Pervia de na jita de ufize resterà nduman merdi, 12 de nuvëmber, stluc i ufizies dla Ntendënza ladina.

Al n’é plü nia che sta te tru ala realisaziun dl Zënter bibliotecar nü. Ai 23 d’otober à le Presidënt dla Provinzia Luis Durnwalder y l’ombolt da Balsan Luigi Spagnolli presentè le proiet cultural y sotescrit l’acordanza che regolamentëia i raporć de spersa y de proprieté danter la Provinzia y la Cité de Balsan. Śëgn pol gnì dè la conzesciun da frabiché y, sciöche al pê ćiamò chëst ann, déssel gnì scrit fora i laûrs de demoliziun di frabicać da śëgn.

De furmazion y nfurmazion se traterala n juebia ai 10 de utober pra dl di dedicà ai proiec “De viac de viers dl’Europa” y “MyEuropeTeachers”. La Repartizion Europa, cun i Departimënc per la educazion dla trëi grupes de rujeneda dla provinzia y cun la cunlaurazion dla Università liedia de Bulsan nvieia duc i nteressei n juebia 10 de utober 2013, dala 9,30 ala 17,30 tl Università liedia de Bulsan.

Ala creaziun de parores nöies él dediché le referat dal titul “Von Wutbürger bis Fiskalpakt“, ai 10 d’otober tla Biblioteca Provinziala Friedrich Teßmann. La sëra vëgn metüda a jì adöm cun la “Gesellschaft für deutsche Sprache”/Seziun de Balsan.

La mostra de pitures de Barbara Tavella che stluj ju la lingia de mostres da instà dl Istitut Culturel Ladin y che ie da udëi tla sala dla Lia Mostra d’Ert a Urtijëi, resta davierta n’ena plu giut, nchin ai 5 de utober.

“Gutenberg goes electronic“ é le titul dl referat che la Biblioteca provinziala Teßmann a Balsan mët a jì ai 3 d’otober. Tl cheder dla linia de referać „Texturen“ baia Stephan Füssel dl’Université Johannes Gutenberg de Mainz dla poscibilité y di risć di e-books por la letöra y la leteratöra.

Tla scoles elementeres de rujeneda tudëscia vëniel cris 40 nsenianc de talian sciche segonda rujeneda. L cuncors aldò ie (NCUEI) ai 23 de setëmber unì publicà tla Gazëta ufiziela. Nteressei possa se nunzië nchin ai 23 de utober.

La vita culturela che tën su la mendranza ladina y la ulentà de vester ladins possa me jì inant, sce nce nce la junëza va chësta streda: chësc ie stat l pensier zentrel che à giaurì l Di dla Cultura Ladina (NCUEI DOMESDI) ai 20 de setëmber tl palaz Widmann a Bulsan. Ntan chësc domesdì ie respunsabli istituzionei y truep jëuni jic plu sot ala tematica dl raport danter jëuni y cultura. Te chësc cuntest iel nce unì tratà i jëuni tl mond di social networks.

L Assessorat provinziel Ladin dedichea l domesdì de duman, vënderdi 20 de setëmber, al raport jëuni - cultura. Chësc argumënt sarà zënter dl tradiziunel “Di dla Cultura Ladina”. Tl palaz Widmann a Bulsan uniral deberieda cun l Presidënt dla Provinzia y l assessëur ladin jit do ala dumanda co che la cultura muev i jëuni y co che i jëuni muev la cultura. Te n referat uniral tratà i jëuni y l mond di social network.