Atualità

L’Assessorat provinzial por la cultura ladina inviëia en vëndres, ai 9 de messè 2004, düć i interessá ala premiaziun di davagnadus dla pröma ediziun dl concurs leterar ladin “Auturs ladins scrì …”, Maria Pedevilla de La Plì de Mareo y Ivan Senoner de Urtijëi.

Tres la reforma dla scola che à ntan i ultimi ani bele metù man, ti vëniel a duc i sculeies dl Südtirol, dant o do, dat l’ucajion de mparé l nglëisc. Dal ann de scola 1995/96 nchin al 2002/03 ie la perzentuela de sculeies che mpera nglëisc, tenian cont da scola a scola, for auzeda: tla scoles elementeres iesen da 0,5% ruvei a 3,1%. Tla scoles mesanes ie l majer aumënt stat danter l 1999 y l 2001, paredlan la perzentuela dl 1995 cun 8,7% iesen tl 2003 ruvei a 73,7% che mpera l nglëisc. Tla scoles autes dl Südtirol ie la rujeneda nglëija bele da truep ani materia segura. Tl ann de scola 1995/96 fovel 86,% di sculeies che mparova nglëisc, tl ann de scola 2002/03 ie la perzentuela ruveda a 96,9%.

USP – Bel adrët per la feries porta l’ultima edizion dla zaita de scola „Orange Juice“, dla scola auta Raetia de Urtijei, nuvieteis per sculeies, nsenianc y genitores. Ora de na majera ntervista cun l Presidënt dla Provinzia Durnwalder, iel nce da lierjer d’uni sort de articuli sun sport, proiec de scola y argumënc di jëuni te cin rujenedes.

USP – N bel instà y de bela feries mbincia i trëi assessëures ala scoles Florian Mussner, Luisa Gnecchi y Otto Saurer a duc i mpeniëi tla scoles te si tëuta de posizion per la fin dl ann de scola. Te chësta ucajion vëniel nce fat vel riflescion sun l svilup dla scola tl Südtirol.

USP – La frabiches dla scoles, la riforma scolastica nueva y cuestions de personal dla Scola ladina ie stai i argumënc dl’ancunteda de ncuei mierculdi, 26 de mei, danter l presidënt Durnwalder y l assessëur Mussner cun i rapresentanc dla Scola ladina.

USP – Per giapé n’azetanza definitiva de „proiec ESF“, proiec de furmazion sustenì dal Fond soziel europeich, iel dant debujën di ejaminé plu avisa. La dumandes per l ejaminazions che vën scumëncedes de juni, muessa unides dates jù nchin an n vënderdi de chëst’ ena, ai 28 de mei tl Ufize provinziel „ESF“.

USP – 22 ulenteres fej da d’ansciuda 2003 l curs „Cualificazion dl lëur de furmazion ti luesc“, metù a jì dal Ufize provinziel per la furmazion. Da permó à l assessëura per la cultura, Sabina Kasslatter Mur pudú sëurandé tla calonia de Bulsan l atestat de avëi fat chësta furmazion.

USP – „La cultura ladina dëssa unì mantenida y giapé lerch per se svilupé inant – tl medem mumënt iel nce debujën de sustenì l barat cun d’autra cultures dl Südtirol y dl’Europa“. Chësc ie l pensier che l assessëur ladin Florian Mussnser porta dant n ucajion dl di mundiel per l svilup culturel de duman, numinà dala UNESCO.

USP – Trëi sortes de cuntribuc per na soma de 392.000 Euro à la Jonta Provinziela dat prò sun pruposta dl assessëur Mussner te si senteda dl lunesc.

USP – Nchin ai 11 de juni 2004 possa nsenianc che ulessa nsenië tla scoles elementeres, mesanes o autes ladines de jù la dumanda per unì tëut su tla listes per l ann de scola 2004/05. L ntendënt ala scoles Roland Verra lecorda nce che la listes provisories unirà publichedes ai 15 de lugio 2004.